TÚRKІSTAN. QazAqparat - Túrkistan oblysynda taý basynan qulap ketken týrısti izdestirý jumystary jalǵasyp jatyr, dep habarlaıdy QazAqparat tilshisi.
Qutqarýshylar taýdan qulap ketken týrıstiń denesin izdeý jumystarynyń vıdeosyn bólisti.
«Qutqarý-izdestirý jumystaryna aýa raıynyń qolaısyzdyǵy kedergi jasap otyr. Joldyń keıbir bólikteri shamamen 70 gradýs buryshty quraıtyn bıik shatqaldardan turady. Bul qar aralas jaýyn-shashynmen qabattasyp, qutqarýshylardyń joǵary qaraı kóterilýin qıyndatýda» - delingen Túrkistan oblysy TJD taratqan aqparatta.
Aıta keteıik, budan aldyn Túrkistan oblysynda taýǵan shyqqan 56 jastaǵy azamat abaısyzda shyń basynan qulap ketip, qaıtys bolǵanyn jazǵan bolatynbyz.
Qaırat Zaınıshev
Shymkenttegi M.Saparbaev atyndaǵy OQGI túlegi. Eńbek jolyn «Aqıqat-Istına» gazetinde tilshi bolyp bastady. Keıinnen «Shymkent kelbeti», «Ońtústik Qazaqstan» gazeti men «Ernur.kz» saıtynda tilshi, «Kentaý shuǵylasy» gazetiniń bas redaktory qyzmetterin atqardy. Respýblıkalyq «Ekspress K» saıtynyń Túrkistan oblysyndaǵy tilshisi boldy. 2021 jyldan bastap «Kazinform» agenttiginiń Túrkistan oblysyndaǵy tilshisi qyzmetin atqarýda.