Túrkistan oblysynda tasqyn sý adamdardy kóligimen aǵyzyp áketti
Túrkistan oblysy Báıdibek aýdanynyń turǵyndary tasqyn sý ortasynda kóligimen qalyp qoıǵan. Áleýmettik jelide taraǵan vıdeodan adamdardy kólikpen birge sý aǵyzyp bara jatqanyn kórýge bolady. Jaǵada turǵandar qutqarýǵa árekettenip, kómek beredi. Keńes boıynsha olardyń biri sýǵa sekiredi. Alaıda ol birshama jerge aǵyp ketedi.
Túrkistan oblysy Tótenshe jaǵdaılar departamentiniń baspasóz hatshysy Shyńǵys Súleımenovtiń aıtýynsha, kólikte bolǵan barlyq adam qutqaryldy.
«Kóliktegi adamdar qaýipsiz jerge shyǵaryldy. Al kólikti sý ortasynan alyp shyǵý múmkin bolmady. Adamdar Myńbulaq aýylyna jetkizildi», - delingen aqparatta.
Aıta keteıik, Túrkistan oblysynda jaýǵa nóser men qardyń erýi saldarynan búgin tańerteń birneshe eldi mekendi sý basyp qaldy. Óńirde jedel jeli iske qosyldy. Saýran aýdanynda mektep oqýshylary onlaın oqýǵa kóshti.
Keıin Qyzylorda men Túrkistan oblystarynda aýa raıynyń qolaısyzdyǵynan avtomobıl joldarynyń birqatar bóliginde kólik qozǵalysyna shekteý qoıyldy.