Túrkistan oblysynda taraýıh namazyn dalada oqýǵa ruqsat berildi

TÚRKІSTAN. QazAqparat - Túrkistan oblysy bas memlekettik sanıtarııa dárigeriniń jańa qaýlysy shyqty, dep habarlaıdy QazAqparat tilshisi.

Jańa qaýlyǵa sáıkes, dinı obektilerdiń (meshitter, shirkeýler, soborlar, sınagogalar jáne t. b.) qyzmetine ujymdyq Qudaıǵa qulshylyq etý jáne buqaralyq is-sharalar, onyń ishinde «juma», «taraýıh», «aıt» namazdaryn sanıtarlyq talaptardy saqtaı otyryp oqýǵa ruqsat berildi.

Alaıda araqashyqtyq bir adamǵa keminde 4 sharshy metr bolýy tıis.

Meshitter, pravoslav shirkeýleri jáne basqa da dinı obektiler aýmaǵynda ujymdyq dinı is-sharalardy (onyń ishinde «juma namaz», kúndelikti pravoslav duǵalary jáne basqa) ashyq aýada ótkize alady.

Degenmen maska rejımi saqtalýy tıis. Bir adamǵa keminde 4 metr esebimen áleýmettik qashyqtyqty saqtaý talap etiledi.

Qaýlyny menshik nysanyna qaramastan barlyq jeke jáne zańdy tulǵalardyń oryndaýy mindetti sanalady.

Qujat qol qoıylǵan kúnnen bastap kúshine enedi.