Túrkistan oblysynda sý elektr stantsııasy iske qosylady

TÚRKІSTAN. QazAqparat – Túrkistan oblysynyń Qazyǵurt aýdanynda jalpy quny 400 mln teńge bolatyn kishi sý elektr stantsııasy salynady. Jalpy qýaty - 1,3 MVt/saǵ, dep habarlaıdy QazAqparat.

«Búgingi tańda jer ýchaskesi tegistelip, ǵımarattyń qurylysy bastaldy. Kásiporyn 2022 jyly iske qosylatyn bolady», - dep keltiredi aýdan ákimi Arman Abdýllaevtyń sózin Óńirlik kommýnıkatsııalar qyzmeti.

Aýdan basshysynyń aıtýynsha, aımaqtaǵy ónerkásip kásiporyndarynyń ónim kólemi toǵyz aıda 9 mlrd 355,5 mln teńgege jetip, ótken jylmen salystyrǵanda 2 mlrd 449,4 mln teńgege artqan. Qazyǵurt aýdanyndaǵy ındýstrıaldy aımaqta qazirgi tańda quny 7,3 mlrd teńgeniń 5 jobasy ornalasqan.

«Aýdanda negizgi kapıtalǵa baǵyttalǵan ınvestıtsııa kólemi toǵyz aıda 15 mlrd 445,9 mln teńgege jetip, ótken jyldyń sáıkes kezeńimen salystyrǵanda 3 mlrd 335,8 mln teńgege artty. Aýdanymyzdaǵy shaǵyn jáne orta bıznes salasy qarqyndy damýda. Búgingi tańda olardyń sany 9 637 birlikke jetip, 9 469-y jumys istep tur. Atalǵan mekemelerde 14 myńǵa jýyq adam jumyspen qamtylǵan.

2021 jyly aýdanda jalpy quny 5,2 mlrd teńgelik, 318 jumys ornyn quraıtyn 71 jobany iske asyrý josparlanǵan. Aǵymdaǵy jyldyń toǵyz aıynda 42 joba ashylyp, 161 adam jumyspen qamtyldy», - dedi Arman Abdýllaev.