Túrkistan oblysynda sora ósirgen aǵaıyndylar qamaýǵa alyndy
Túrkistan oblysy polıtsııa departamentiniń esirtki qylmysyna qarsy is-qımyl basqarmasynyń qyzmetkerleri «esirtki ósirdi» degen kúdikpen buryn sottalǵan eki aǵaıyndyny anyqtady.
Jedel-izdestirý sharalary barysynda polıtseıler kúdiktilerdiń biriniń úıinen soraǵa uqsas, quramynda esirtki zaty bar ósimdiktiń 1 300 túbin tárkiledi. Al, inisiniń úıin tintý kezinde, esirtkige uqsas 59 túpti ósimdik esepke alyndy.
«Zattaı dáleldemeler saraptamaǵa jiberildi. Qorytyndyǵa sáıkes, aıǵaqty zattar jalpy salmaǵy 55 keliden asatyn sora bolyp shyqty. Atalǵan faktiler QR QK-niń 300-baby 2-bóligi «Quramynda esirtki zattary bar ósirýge tyıym salynǵan ósimdikterdi zańsyz ósirý» boıynsha tirkeldi. Kúdiktiler qamaýda. Qazirgi tańda eki aǵaıyndyǵa qatysty sotqa deıingi tergeý amaldary júrgizilip jatyr», - delingen Túrkistan oblysy polıtsııa departamentiniń baspasóz qyzmeti taratqan aqparatta.