Túrkistan oblysynda sheteldik avtokólikterdi tirkeý 3 HQO-da júrgiziledi

TÚRKІSTAN. QazAqparat - Túrkistan oblysynda sheteldik avtokólikterdi tirkeý 3 mamandandyrylǵan HQKO júrgiziledi. Bul týraly Túrkistan oblysy polıtsııa departamentiniń ákimshilik polıtsııa basqarmasynyń bastyǵy Almashan Tastanbekov málimdedi, dep habarlaıdy QazAqparat tilshisi.

Bıylǵy jyldyń 1 qyrkúıegine deıin Qazaqstanǵa ákelingen sheteldik avtokólikterdi Túrkistan, Saryaǵash qalalaryndaǵy jáne Saıram aýdanynyń Aqsýkent eldimekeninde ornalasqan HQKO-da zańdastyrýǵa bolady. Al, zańdastyrýǵa jatpaıtyn kólikter elden shyǵarylýy tıis nemese olardy bólshektep satýǵa týra keledi.

«Sheteldik kólikterdi zańdastyrý kelesi jyldyń basynan shilde aıyna deıin júrgiziledi. Oǵan izdeýde júrgen, kedendik tazartýdan ótpegen jáne 2022 jylǵy 1 qyrkúıekten keıin ákelingen avtomobılder jatpaıdy. Al, tirkelýge jatatyn avtokólikterdiń shyqqan jylyna jáne ekologııalyq sanatyna talaptar qoıylmaıdy», - dedi Almashan Tastanbekov.

Aıta keteıik, Reseı Federatsııasynan elge kelgen 300 myńǵa jýyq kóliktiń 12 myńnan astamy Túrkistan oblysynda júr. Sondaı-aq, óńirde Armenııalyq 500-den astam kólik bar.