Túrkistan oblysynda sel júrdi
12:43, 08 Qarasha 2022
TÚRKІSTAN. QazAqparat – Túrkistan oblysynyń Qazyǵurt aýdanynda toqtaýsyz jaýǵan jańbyr saldarynan sel júrdi, dep habarlaıdy QazAqparat tilshisi.
Nóser saldarynan Jigergen aýyldyq okrýginiń Dıhan eldi mekenindegi Dúısebaev kóshesi boıyndaǵy qashyrtpa kanalyndaǵy sý tasyp, 6 úıdiń aýlasyna jaıylǵan.
Sondaı-aq, Aınatas eldi mekeni Aınatas kóshesi boıyndaǵy 3 úıdiń aýlasyn da sý basqan.
Qazirgi tańda arnaıy eki tehnıka jumyldyrylyp, 20 adam sel alǵan oryndardy retke keltirip jatyr. Sondaı-aq, aldyn alý sharalaryn júrgizýde.
Qazyǵurt aýdany ákimdiginiń habarlaýynsha, qazir jaǵdaı birqalypty.
Aıta keteıik, keshe toqtaýsyz jaýǵa jańbyr saldarynan Tóle bı aýdanynda bir balabaqsha men jeke sektordaǵy 25 aýlany jáne birneshe kósheni sý basqan bolatyn.