Túrkistan oblysynda saılaýshylardyń 64 paıyzdan astamy daýys bergen

TÚRKІSTAN. QazAqparat - Túrkistan oblysynda kúndizgi saǵat 16.00-degi jaǵdaı boıynsha saılaýshylardyń 64 paıyzy óz tańdaýyn jasap úlgergen. Bul týraly arnaıy ótken brıfıng barysynda oblystyq saılaý komıssııasynyń tóraǵasy Álibek Ómirálıev málimdedi, dep habarlaıdy QazAqparat tilshisi.

Komıssııa tóraǵasynyń sózinshe, saılaý barysynda 168 605 adam daýys bergen. Atap aıtqanda, Arys qalasynda – 7 488 (72%), Kentaý qalasynda – 5 755 (68%), Báıdibek aýdanynda – 2 562 (65%), Jetisaı aýdanynda – 17 329 (64 %), Qazyǵurt aýdanynda – 12 189 (61%), Keles aýdanynda – 20 498 (67%), Maqtaaral aýdanynda – 10 793 (64 %), Ordabasy aýdanynda – 4 705 (63%), Otyrar aýdanynda – 8 350 (65%), Saıram aýdanynda – 10 874 (67%), Saryaǵash aýdanynda – 33 609 (63%), Saýran aýdanynda – 6 160 (76%), Sozaq aýdanynda – 10 070 (58%), Tólebı aýdanynda – 12 119 (55%), Túlkibas aýdanynda – 5 215 (60%), Shardara aýdanynda – 889 (70%) azamat daýys berýge qatysqan. Jalpy 60 aýyldyq okrýgte úmitkýerlerdiń sany 166 adamdy quraıdy. ıAǵnı, keıbir aýyldarda bir orynǵa tórt úmitkerge deıin usynylyp otyr. Al, saılaý barysynda óreskel zańbuzýshylyqtar tirkelmegen. Tek Saryaǵash aýdany, Qurkeles aýyldyq okrýgi boıynsha bir azamattan aryz kelip túsken. Biraq zańbuzýshylyq áreket dálelin tappady.

«Bir saılaýshy eki adamǵa daýys berdi dep aryz beripti. Biz ol fakti boıynsha tekserý uıymdastyrdyq. Ol jalǵan arandatýshy aryz bolyp shyqty. Zańbuzýshylyq joq. Odan bólek bizge aryz-shaǵymdar kelip túsken joq»,- deıdi Álibek Ómirálıev.