Túrkistan oblysynda sanıtarııalyq talaptardy saqtamaǵan dámhana ıesine 800 000 teńgege jýyq aıyppul salyndy
Áleýmettik jelide Saıram aýdanyndaǵy «Mınýtka» dámhanasynda taǵamdardyń sanıtarııalyq talaptardy saqtamaı daıyndalatyndyǵy týraly vıdeo tarady. Onda avtor tazartylmaǵan ydystarǵa salynǵan tamaq ónimderin vıdeoǵa túsirip alǵan.
Atalǵan jaǵdaı boıynsha Túrkistan oblysy sanıtarlyq epıdemıologııalyq baqylaý departamenti jeke kásipkerge QR Ákimshilik quqyq buzýshylyq týraly Kodeksiniń 425-bap 1-bóligine sáıkes, 230 AEK (793 500 teńge) aıyppul salynǵandyǵyn málimdedi. Sondaı-aq, 17 sáýirge deıin óreskel zańbuzýshylyqtar men kemshilikterdi joıý týraly uıǵarym bergen.
«Saıram aýdandyq sanıtarııalyq-epıdemıologııalyq baqylaý basqarmasy tarapynan dámhanaǵa jospardan tys tekserý júrgizildi. Nátıjesinde jýý, jınaý, jáne dezınfektsııa jumystarynyń sapasyz júrgizilgendigi, tamaqtaný zalyndaǵy jeldetý júıesiniń jalıýzdi torlarynyń jýylmaǵandyǵy anyqtaldy. Sondaı-aq, shaıyndylardy mıkrobıologııalyq zertteý nátıjesinde 20 synamadan 2 ishek taıaqshalar tobynyń bakterııasy tabyldy. Taǵam daıyndaýda paıdalanatyn et jáne et ónimderi, makoron, un, ósimdik maıynyń sapasy men qaýipsizdigin rastaıtyn qujattary bolmaǵan», - delingen Túrkistan oblysy sanıtarlyq epıdemıologııalyq baqylaý departamenti taratqan aqparatta.