Túrkistan oblysynda «Polıglot» baıqaýynyń úzdikteri anyqtaldy
El Táýelsizdiginiń 30 jyldyq mereıtoıy qarsańynda uıymdastyrylǵan sharanyń maqsaty eldegi til saıasatynynyń iske asyrylýyna qoldaý bildirý.
Til saıysynyń qatysýshylary «Táýelsizdik - tiregim» taqyrybynda beınerolık túsirý, «Qazaqstan Respýblıkasy Táýelsizdiginiń 30 jyldyǵyna» arnap maqala jazý jáne Táýelsiz Qazaqstan jaıynda suraqtarǵa jaýap berý sııaqty kezeńderden ótti. Baıqaýǵa 12 qyzmetker qatysýǵa nıet bildirip, barlyq kezeńnen súrinbeı, fınalǵa 10 úmitker shyqty.
Úsh tildi jetik meńgergen qyzmetker ekenin dáleldegen Tótenshe jaǵdaılardy joıý basqarmasynyń bas mamany, azamattyq qorǵanys aǵa leıtenanty Zańǵarbek Baqtııaruly men Túrkistan qalasynyń TJB aǵa ınjeneri, azamattyq qorǵanys aǵa leıtenanty Meıramhan Baqytuly, Kentaý qalasynyń TJB aǵa ınjeneri azamattyq qorǵanys aǵa leıtenanty Qýanysh Nuralyuly júldeli ІІІ orynnan kórindi. Al, ІІ oryndy TJD Tótenshe jaǵdaılardyń aldyn alý basqarmasynyń bas mamany, aǵa leıtenant Asylbek Aqylbekuly, Saıram aýdandyq TJB ınjeneri, aǵa leıtenant Abylaıhan Esboluly ıelense, júldeli І oryndy TJD Memlekettik órt baqylaý basqarmasynyń aǵa ınjeneri, a.q. aǵa leıtenanty Baqdáýlet Abytuly ıelendi. Baıqaý jeńimpazy aldaǵy ýaqytta respýblıkalyq til saıysynda Túrkistan oblysynyń namysyn qorǵaıdy.
Aıta keteıik, baıqaýda oblystyq Tótenshe jaǵdaılar departamenti bastyǵynyń orynbasary, polkovnık E.T.Sarybaev. Túrkistan qalasy ákimdigi «Tilderdi oqytý jáne damytý ortalyǵy» KMM-nyń qazaq tili pániniń oqytýshysy R.A.Sherova, aǵylshyn tili pániniń oqytýshysy J.N.Orazbaeva, Túrkistan oblysy qoǵamdyq damý basqarmasynyń «Jastar resýrstyq ortalyǵy» KMM-nyń Taldaý, monıtorıng jáne áleýmettik zertteý bóliminiń basshysy A.B.Sultan, Túrkistan oblysy Tótenshe jaǵdaılar departamenti Qujattamalyq qamtamasyz etý jáne memlekettik tildi damytý tobynyń bas mamany G.S.Serik qazylyq etti.