Túrkistan oblysynda ótken jyly 64 myńǵa jýyq bala dúnıege kelgen

TÚRKІSTAN. QazAqparat-Tabaldyryqtan attaǵan jyldyń alǵashqy túninde Túrkistan oblysynda 59 sábı dúnıe esigin ashty,-dep habarlaıdy QazAqparat tilshisi.

Barys jyly dúnıege kelgenderdiń 28-i ul, 31-i — qyz bala.

Dárigerlerdiń aıtýynsha, búginde analar men nárestelerdiń jaǵdaıy jaqsy.
Mereke kúni kezekshi aýysymda náreste men anaǵa kútim jasaıtyn joǵary bilikti dárigerler, tájirıbeli akýsherler men medbıkeler jumystaryn joǵary deńgeıde atqarýda.
Sonymen qatar, jedel járdem men alǵashqy medıtsınalyq sanıtarlyq kómek uıymdarynyń brıgadalary da kúni-túni kezekshilik qyzmetti atqaryp jatyr.
Jalpy, Túrkistan oblysy demografııalyq ósim boıynsha respýblıkada kóshbasshylar qatarynda.
2021 jyly oblysta 64 myńǵa jýyq bala dúnıege kelgen. Olardyń arasynda 631 egiz, 12 úshem bar.

Eske salsaq, elordada Jańa jylda 16 sábı dúnıege keldi.