Túrkistan oblysynda on kúnde 170-ke jýyq toıdy tarqatýǵa týra kelgen
Oblys ákimi Ómirzaq Shókeevtiń tóraǵalyǵymen ótken lezdemelik májiliste oblys aýmaǵyndaǵy koronavırýs ınfektsııasy men sanıtarlyq-epıdemıologııalyq jaǵdaı týraly sońǵy málimetter ortaǵa salyndy.
Sońǵy 10 kúnniń ishinde Túrkistan oblysynda karantın kezinde tyǵylyp jasalǵan 169 toı toqtatyldy.
Tyıym salynǵan otbasylyq, merekelik is-sharalardyń 117-si qoǵamdyq tamaqtaný oryndarynda, qalǵany úı jaǵdaıynda ótkizilgen.
Oblys ákiminiń tapsyrmasyna sáıkes, óńirde mobıldik toptardyń jumysy kúsheıtildi. Jasyryn toı ótkizgenderge aıyppul salyndy.
Toı ıeleriniń ústinen ákimshilik quqyq buzýshylyq týraly hattama toltyrylǵan.
Túrkistan oblysy koronavırýsqa qarsy vaktsınatsııa qarqyny boıynsha respýblıkada joǵary deńgeıde.
Vaktsınany saqtaý jáne tasymaldaý sharttary saqtala otyryp, jalpy 141 egý pýnktterinde koronavırýsqa qarsy vaktsınatsııa júrgizilip jatyr.
Kóshpeli ekpe brıgadalarynyń sany - 80.
Túrkistan oblysyna qarasty vaktsına saqtaıtyn qoımasynda kólemi 300 lıtr quraıtyn 2 dana muzdatqysh (-20oS) bar.
Sonymen qatar, oblystyq bıýdjet esebinen kólemi 143 lıtr quraıtyn 20 muzdatqysh, 601 lıtrlik 2 muzdatqysh satyp alynyp, tolyq jetkizildi.
Aýrýhanalardaǵy dárilik zattar qory jetkilikti.