Túrkistan oblysynda «Olımpıada shyńy» sporttyq estafetasy ótti
Leńgir qalasynyń ortalyq «Jastyq» stadıonynda ótken jarysta jasóspirimder basketbol, fýtbol, voleıbol sport túrlerinen ózara synǵa tústi, dep habarlaıdy QazAqparat tilshisi.
Elbasynyń «Bolashaqqa baǵdar: Rýhanı jańǵyrý» baǵdarlamasy aıasynda uıymdastyrylǵan estafeta jastardyń boıyna «Rýhanı jańǵyrý» baǵdarlamasyndaǵy «Pragmatızm», «Básekege qabilettilik» basymdyǵyn sińirý men paıdaly istermen aınalysý, ózin-ózi jetildirý, ýaqytty tıimdi paıdalanýǵa úıretý jáne baýlý maqsatynda ótkizildi.
Jarystyń ashylý saltanatyna Tólebı aýdany ákiminiń orynbasary R.Beısebaeva men Lengir qalalyq balalar men jasóspirimder sport mektebiniń dırektory Ǵ.Ordabaev arnaıy qatysyp, sportshylarǵa sáttilik tiledi.
Jasóspirimderge demeýshiler esebinen alynǵan aıaǵyn myqtaýǵa, júgirýge arnalǵan trenajer qurylǵysy, kúres matrastary, arnaıy sporttyq kıimder, tatamı, jattyǵýǵa arnalǵan qural jabdyqtar syıǵa tartyldy. «Jastar jylyna» oraı uıymdastyrylǵan jarys nátıjesinde fýtboldan 1-oryndy Kıelitas komandasy ıelendi. Al, 2-orynǵa Lengir , 3-orynǵa Kóksáıek komandalary qol jetkizdi.
Voleıboldan júldeli oryndardy Leńgir qalasynyń úsh komandasy ózara bólisti. Basketbol oıynynan da atalǵan komandalar myqtylyǵyn kórsetti. Іs-shara sońynda «Olımpıada shyńy» atty estafeta kýbogy Tólebı aýdanynan Qazyǵurt aýdanyna tabystaldy.