Túrkistan oblysynda oqýshy qyzdy pyshaqtap óltirý qylmysyna qatysty taǵy bir kúdikti anyqtaldy
14:10, 20 Sáýir 2023
ASTANA. QazAqparat - Túrkistan oblysynyń polıtseıleri sýarý kanalynan máıiti tabylǵan qyz týraly taǵy da tyń derekter jınady. Atalǵan oqıǵaǵa qatysy bar degen ekinshi kúdikti jigittiń jeke basy anyqtalyp, qamaýǵa alyndy, dep habarlaıdy polisia.kz saıty.
Eske sala ketsek, Ordabasy aýdanynda keýdesine pyshaq jaraqaty salynǵan 9-synyp oqýshysynyń máıiti kanaldan tabylǵan bolatyn.
Kúdikti retinde 11-synyp oqýshysy ustaldy. Atalǵan oqıǵaǵa qatysy bar degen ekinshi kúdikti jigittiń jeke basy anyqtalyp, qamaýǵa alyndy. Ol jergilikti turǵyn, jas jigit.
Kúdiktiler óz kinásin moıyndap, qylmystyq áreketti qalaı jasaǵandaryn oqıǵa ornynda naqtylap kórsetti.
Búgingi tańda eki jigit qamaýda. Olarǵa qatysty QR QK-niń 99-baby 2-bóligi «Adam óltirý» boıynsha sotqa deıingi tergeý júrgizilýde.
Tergeý barysynda oqıǵanyń tolyq mán-jaıy anyqtalatyn bolady. Tergeý isi Túrkistan oblysy PD basshylyǵynyń jiti baqylaýynda.