Túrkistan oblysynda NEET-jastarǵa bólinetin grant sany 16 myńnan 4700-ge deıin azaıyp ketken
Bul týraly vedomstvonyń apparat májilisinde mınıstr Ashat Aaımaǵamebtov aıtty.
«Eńbek naryǵyna qajetti mamandardy memlekettik tapsyrys aıasynda daıarlaý týraly slaıdtan kórip otyrmyz. Mysaly, Túrkistan oblysynda bıyl tek qana 4755 oryn bólinipti. Aldyńǵy jyldyń ózinde bul oblystyń osy baǵyttaǵy jumystaryn synap, biraz syn aıtqanbyz. Bıyl sol aldyńǵy jylmen salystyrǵanda 3645 oryn qysqaryp qalypty. Onyń aldynda da bul jetkiliksiz boǵlan. Endi odan saıyn azaıyp, 4755 bolypty. Almatymen salystyrsaq, onda – 9 myń, Qaraǵandyda – 8 myń. Túrkistan oblysynda NEET sanatyna jatatyn jastardyń sany óte kóp. Onyń kóbinde bilim de, jumys ta joq. Túrkistan oblysynyń bilim basqarmasy, biz sizderge respýblıkalyq bıýdjetten bólgen qarajattan 10 myń grant bólýge májbúr bolyp otyrmyz. Óıtkeni bul jerde sondaǵy turǵyndardyń, balalardyń kinási joq qoı», - dedi Oqý-aǵartý mınıstri.
Onyń paıymynsha, mundaı tásil ádiletsiz.
«Biraq bul túsiniksiz sheshim. Bizdegi aqparat boıynsha bul oblysta kezinde 16 myńǵa deıin grant bólingen eken. Qazir sol 16 myńnan 4700-ge túsip ketken. Bul qaı jaqtan qarasaq ta, qısynsyz.
Bizge respýblıkalyq bıýdjetten Túrkistan oblysyna qarajat bólerdiń aldynda jergilikti bıýdjetten 13 myń oryn bólinedi degen aqparat berilgen eken. Qazir biz bul maqsatqa jergilikti bıýdjetten kim az bóledi, solarǵa kómektesip jatyrmyz. Al negizinde kim jergilikti bıýdjetten kóp grant berip otyr, solarǵa kómektesýimiz kerek. Biz, kerisinshe, óńirlerdi granttardy neǵurlym az bólýge yntalandyryp otyrmyz degen sóz. Sondyqtan bul tásilderdi tolyǵymen qaıta qaraýdy tapsyramyn. Endi kásiptik-tehnıkalyq bilim júıesin damytýǵa az grant bólentin óńirlerdi qoldamaımyz», - dedi Ashat Aımaǵambetov.