Túrkistan oblysynda mereke kúnderi 248 sábı dúnıege keldi

TÚRKІSTAN. QazAqparat – «El Táýelsizdiginiń 30 jyldyǵyna oraı Tólebı aýdanynda dúnıege kelgen sábıdiń esimin ata-anasy Qasym-Jomart dep atady. Qazirgi kezde Sábıdiń jaǵdaıy qalypty», - dep habarlaıdy QazAqparat tilshisi.

Sábıdiń ákesiniń esimi Nursultan. Ol búginde jeke fırmada jumys isteıdi. Al, anasy Farıza úıdegi 3 ulynyń tárbıesin qadaǵalap otyr.

«Táýelsizdik kúni merekesinde dúnıege kelgen ulymyzǵa atasy Qasym-Jomart degen esim berdi. El basqarǵan atalaryndaı azamat bolsyn degen nıetpen qoıyp otyrmyz. Búgin Memleket basshysy atynan arnaıy syılyqtar aldyq. Igi iske uıytqy bolǵan barsha jandarǵa úlken alǵysymdy bildiremin», - deıdi anasy Farıza Dáýletova.

Aıta keteıik, búgin Túrkistan oblysynda Táýelsizdik kúni dúnıege kelgen 248-den astam sábıge «Súıinshi» syıqoraby tartý etildi.

«Súıinshi» syıqorabyna bóbekterge qajetti zattardan basqa QR Prezıdenti Qasym-Jomart Toqaevtyń quttyqtaý tilegi jazylǵan ashyq hat, «Táýelsiz Qazaqstanǵa 30 jyl» monetasy men balanyń týýy týraly kýáligi salynǵan.

«16 jáne 17 jeltoqsanda Túrkistan oblysynda barlyǵy 248 sábı dúnıege keldi. Sábılerdiń týý týraly kýálikti alý týraly ótinimderdi «Azamattarǵa arnalǵan úkimet» memlekettik korporatsııasynyń qyzmetkerleri qabyldap, ári qaraı Qazaqstan azamatynyń alǵashqy qujatyn resimdeý úshin AHAJ organdaryna joldandy. Sábıler men analarǵa qýanysh syılaǵan AHAJ bólimi men «Qazposhta» qyzmetkerlerine jáne aq halatty abzal jandarǵa alǵys aıtqym keledi»- dedi «Azamattarǵa arnalǵan úkimet» memlekettik korporatsııasy» KEAQ Túrkistan oblysy boıynsha fılıalynyń basshysy Erjan Jeńisbekuly.

«Súıinshi» syıqoraptaryn QR Tsıfrlyq damý, ınnovatsııalar jáne aeroǵarysh mınıstrligi «Azamattarǵa arnalǵan úkimetpen birge jáne QR Ulttyq bank, Tsentrkredıt banki jáne «Qazposhta» AQ jergilikti atqarýshy organdardyń qatysýymen uıymdastyrdy.