Túrkistan oblysynda Memlekettik rámizder kúni atalyp ótti

TÚRKІSTAN. QazAqparat – Búgin Túrkistan oblysynyń barlyq aýdan, qalalarynda Memlekettik rámizder kúnine arnalǵan merekelik is-sharalar uıymdastyryldy, dep habarlaıdy QazAqparat.

Qazaqstandyqtardyń Memlekettik rámizderge degen qurmetin arttyrý, óskeleń urpaqtyń patrıottyq sanasyn jańǵyrtý maqsatynda uıymdastyrylǵan sharalar barysynda aýdan, qala kóshelerinde tý men eltańbany kótergen avtokólikter sherýi, attar kerýeni, fleshmobtar ótip, barlyq memlekettik organdar men kásipkerlik nysandarǵa týlar ilindi. Sanıtarlyq talaptardy saqtaı otyryp jergilikti turǵyndar men mektep oqýshylary, etnos ókilderi qatysqan merekelik is-sharalar Qazaqstan Respýblıkasynyń Memlekettik Ánuranyn shyrqaýmen óz jalǵasyn tapty.

Oblys jurtshylyǵyna rámizderdiń shyǵý tarıhy men beınelerin keńinen nasıhattaýǵa baǵyttalǵan beınerolıkter ázirlenip, aýdan, qala ákimdikteriniń resmı paraqshalary arqyly keńinen nasıhattaldy.

1992 jyly 4 maýsymda Qazaqstan Respýblıkasynyń Memlekettik rámizderi resmı túrde bekitilgen bolatyn. El Táýelsizdiginiń turaqtylyǵynyń kepili bolǵan, eldiń birtutastyǵy men tynyshtyǵyna tutqa bolǵan aıtýly kúnniń oryn alǵanyna bıyl 29 jyl toldy.