Túrkistan oblysynda memlekettik qyzmetter sapasy qandaı

TÚRKІSTAN. QazAqparat – Túrkistan oblysynda memlekettik qyzmet isteri agenttiginiń óńirlik departamenti janyndaǵy memlekettik qyzmet kórsetý máseleleri jónindegi vedomstvoaralyq jumys tobynyń kezekti otyrysy ótti, dep habarlaıdy QazAqparat tilshisi.

Basqosýǵa oblys ákiminiń apparat basshysynyń orynbasary I. Doshodjaev pen basqarma basshylary, aýdan-qala ákimi apparat basshylary qatysty.

Vedomstvoaralyq jumys tobynyń otyrysynda memlekettik kórsetiletin qyzmetter sapasyna júrgizgen qoǵamdyq monıtorıngtiń nátıjeleri men Elbasy Joldaýynda memlekettik qyzmetterdi elektrondy formatqa kóshirýdi 2020 jyly 90%-ǵa jetkizý boıynsha atqarylatyn sharalar týraly baıandaldy.

Budan bólek, Kentaý qalasy ákiminiń orynbasary B. Álimbetov departament júrgizgen profılaktıkalyq baqylaý nátıjesinde oryn alǵan kemshilikter boıynsha atqarylǵan jumystar týraly esep berdi.

Sondaı-aq, oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary N. Nýrashov 2020 jyldyń 1 qańtarynan bastap berilgen ataýly áleýmettik kómektiń jańa modeli týraly esep berdi.

Nátıjesinde kún tártibindegi máseleler boıynsha tıisti memlekettik organdarǵa naqty usynystar engizildi.