Túrkistan oblysynda mektep formasy men keńse zattary tómen baǵada satylyp jatyr

TÚRKІSTAN. QazAqparat- Búgin Túrkistan oblysynda mektep jármeńkesi ótip jatyr, dep habarlaıdy QazAqparat tilshisi.

Tańerteńgi saǵat 9:00- den bastap Túrkistan oblysyna qarasty árbir aýdan ortalyǵy men qalada mektep jármeńkesi ótip jatyr.

Onda mektep formalary men oqýshylarǵa qajetti keńse taýarlary arzandatylǵan baǵamen saýdalanýda.

Máselen, Túlkibas aýdany Turar Rysqulov aýylynyń ortalyq alańynda otandyq taýar óndirýshiler jasap shyǵarǵan keńselik qural-jabdyqtar 10%-dan 15%-ǵa deıin tómen baǵada satylyp jatyr.

Al, mektep formasy men aıaq kıimge - 10%, sómkelerge - 50%-ǵa deıin jeńildik jasalǵan.

Turǵyndarǵa yńǵaıly bolýy úshin arnaıy kıimdi kıip kóretin oryndar ázirlengen.

Al, mádenıet úıiniń qyzmetkerleri ásem ánder shyrqap, jármeńkeni jan-jaqty nasıhattap otyr.