Túrkistan oblysynda mektep bitirýshilerdiń ortasha baly 79,5-ti qurady
QR Bilim jáne ǵylym mınıstrligi mektep bitirýshi túlekterdiń is-sharasyn 12 maýsymda mektep qabyrǵasynda ótkizýdi usynyp otyr.
Bul týraly Óńirlik kommýnıkatsııalar qyzmetinde ótken brıfıngte oblystyq bilim basqarmasy basshysynyń orynbasary Ardaq Sadyqova málimdedi.
Onyń derekterine qaraǵanda, QR Bilim jáne ǵylym mınıstrligimen bekitilgen Ulttyq biryńǵaı testileýdi ótkizý qaǵıdalaryna sáıkes, UBT 2019 jyldyń 20 maýsym - 5 shilde aralyǵynda ótkiziledi.
Bıyl Ulttyq biryńǵaı testileýdin erekshelikteri 2019 jyldan bastap UBT jylyna 4 mezgil ótkiziledi: qańtar, naýryz (aqyly), maýsym (aqysyz), tamyz (aqyly). Qańtar, naýryz, tamyz testileý nátıjesimen - bitirýshi aqyly túrde oqýǵa túsý múmkindigin alady.
Maýsymdaǵy test - memlekettik grant negizinde tegin oqýǵa túsýge múmkindik beredi. Jalpy UBT tapsyrý erejesinde ózgerister joq. UBT-ǵa qujattar qabyldaý aǵymdaǵy jylǵy 1 sáýirde bastalǵan 10 mamyrda aıaqtalady.
«Túrkistan oblysynda 15 UBT ótkizý pýnktteri bar. Olardyń 1-ýi joǵary oqý orynynyń bazasynda, 2-ýi kolledjder bazasynda, 12-si orta mektepterdiń bazasynda. 2019 jyldyń qańtar aıynda alǵash ret aqyly túrde 5206 bitirýshi test tapsyrdy, test qorytyndysy boıynsha oblystyń orta baly 58,3-ti qurady. Naýryz aıynda 14375 túlek aqyly testke ótinish berip, 14 208-i testke qatysty. Orta bal - 79,5-ti qurady», - dedi Ardaq Mádihanqyzy.
Sonymen qatar, 11-synyp bitirýshilerine mektepterge engizilgen «BILIMLEND» elektrondy platformasyndaǵy «Іtest» júıesinde UBT-ǵa tegin daıyndalýǵa jáne Ulttyq testileý ortalyǵynyń saıtynda aqyly túrde baıqaý testin tapsyrý múmkindigi qarastyrylǵan.
Sonymen qatar, oblysta «EDTECH-KZ» halyqaralyq bilim ortalyǵynyń «KASIP TEST» jeke tulǵanyń kásibı dıagnostıkasynyń avtomattandyrylǵan júıesi arqyly mektep bitirýshilerge onlaın túrde kásibı dıagnostıkalaý júrgizildi. Kásibı dıagnostıkaǵa 24183 11-synyp oqýshylarynyń 21542-i qatysty.