Túrkistan oblysynda «Mektebińe dombyra syıla» aktsııasy bastaldy

TÚRKІSTAN. QazAqparat - Túrkistan oblysynda «Mektebińe dombyra syıla» aktsııasy bastaldy, dep habarlaıdy QazAqparat tilshisi.

Túrkistan oblysy, Túlkibas aýdanynda «Mektebińe dombyra syıla» atty aktsııa bastaý aldy. Makarenko atyndaǵy jalpy orta mektebinnen bastaý alǵan ıgi shara Azattyq aýylyndaǵy «Túrkibasy» jalpy orta mektebinde jalǵasyn tapty. Ónegeli is-sharaǵa el aǵalary men mektep ujymy qatysty.

Bereke men birliktiń, baýyrmaldyq pen dostyqtyń merekesi Naýryz meıramymen jınalǵan qaýymdy quttyqtaǵan aýdan ákimi Nurlan Baıǵut 15 oqýshyǵa dombyra syıǵa tartty. Mektepishilik dombyra úıirmesine qatysýshy oqýshylar aldaǵy ýaqytta osy dombyramen óner kórsetpek. Atalǵan shara aldaǵy ýaqytta estafeta retinde óz jalǵasyn tabady.

Mádenı sharada el aǵalary mektep oqýshylaryn ónerge baýlý maqsatynda júzege asyp jatqan aktsııaǵa rızashylyǵyn jetkizdi.