Túrkistan oblysynda medıtsınalyq saqtandyrýmen halyqtyń 86,4 paıyzy qamtyldy

TÚRKІSTAN. QazAqparat – Túrkistan oblysynda mindetti medıtsınalyq saqtandyrylǵandardyń úlesi 86,4 paıyzǵa jetti. Bul týraly Áleýmettik medıtsınalyq saqtandyrý qory oblystyq fılıalynyń dırektory Ashat Beısenbaev málimdedi, dep habarlaıdy QazAqparat tilshisi.

Ashat Beısenbaevtyń aıtýynsha, qordyń fılıaly 81 medıtsına uıymymen 130,6 mlrd teńgeniń kelisimshartyn jasaǵan. Bul ótken jyly bólingen qarjydan 6 paıyzǵa artqan. Qarjy - kepildendirilgen tegin medıtsınalyq kómekke (TMKKK) jáne MÁMS paketteri sheńberindegi qyzmetterge baǵyttalady. Bıyl memlekettik tapsyrysty oryndaýǵa kelisilgen 81 medıtsınalyq uıymnyń 40-y jekemenshik klınıka.

«Jalpy úsh jyldan astam ýaqyt ishinde Túrkistan oblysynan túsken soma kólemi 12,6 mlrd teńge boldy. Onyń ishinde, 9,2 mlrd teńgesi jumys berýshilerdiń aýdarymdary bolsa, qalǵan 3,5 mlrd teńge – jeke kásipkerler men azamattyq-quqyqtyq kelisimshart negizinde eńbek etetin turǵyndarǵa tıesili. Al, ózin ózi jumyspen qamtyǵandar 52 015 teńge biryńǵaı jıyntyq tólemin tólegen», – dedi, Ashat Asanuly.