Túrkistan oblysynda medıtsınalyq saqtandyrý qory 697 mlrd teńge aýdardy
«Qor 2019 jyldyń 8 aıynda respýblıkanyń medıtsınalyq uıymdaryna tegin medıtsınalyq kómektiń kepildik berilgen kólemi (TMKKK) sheńberinde halyqqa kórsetilgen qyzmetter úshin 697 mlrd teńge aýdardy», - deıdi «Áleýmettik medıtsınalyq saqtandyrý qory» KEAQ Túrkistan oblysy boıynsha fılıalynyń bólim basshysy Laýra Saparbekova.
Qordyń medıtsınalyq kómektiń kólemi men sapasyn baqylaýǵa tolyq ókilettigi bar. Monıtorıng medıtsınalyq qyzmet kórsetetin memlekettik jáne jeke menshik kompanııalardyń barlyǵyna birdeı júrgiziledi.
«Qordyń 17 fılıalynyń kásibı dáriger-sarapshylardan quralǵan qurylymdyq bólimsheleri bar. Olardyń mindeti – emdeý sapasynyń joǵary bolýyn baqylaý. Qyzmetin abyroımen atqaratyn medıtsınalyq qyzmet kórsetetin kompanııalardy qor uzaq merzimdi sharttarmen, úzdik jumysy úshin túrli bonýstarmen qoldaıtyn bolady», - deıdi Laýra Saparbekova.
Mindetti áleýmettik medıtsınalyq saqtandyrý (MÁMS) sarapshylary kórsetilgen medıtsınalyq kómek sapasyn patsıenttiń marshrýty boıynsha baǵalaıdy. ıAǵnı, árbir satyda, árbir ónim berýshi boıynsha qorytyndy shyǵarylady.
«Keler jyldan bastap saraptama medıtsınalyq kómektiń eki paketi boıynsha júrgiziledi: saqtandyrylǵan jáne kepildik berilgen. Al monıtorıng protsesin avtomattandyrý men sapa ındıkatorlaryn ázirleý jáne basqa da jańashyldyqtar jumysty jyldam ári tıimdi túrde atqarýǵa múmkindik beredi. Sonymen qatar, qor patsıent múddesin qorǵaýshy retinde áreket etedi», - deıdi maman.