Túrkistan oblysynda mal urlyǵyna qatysty 30-dan astam qylmys ashyldy
Polıtsııa departamenti Krımınaldyq polıtsııa basqarmasy «Mal urlaýshy» is-sharasyn qorytyndylady. Atalǵan sharaǵa krımınaldy jáne ákimshilik, jergilikti polıtsııa men aýyl sharýashylyǵy basqarmasynyń qyzmetkerleri qatysty. Oblys aýmaǵynda 30-dan astam mal urlyǵy ashyldy.
Aýdan-qalalarda mal satýmen aınalysatyn oryndar men mal tasymaldaıtyn kólikter, et óńdeıtin núkteler men mal soıatyn oryndar tekserildi. Oblys kóleminde 40 shaqty tosqaýyl beketi qoıylyp, reıd ótkizildi.
Jumystardyń nátıjesinde tórt urlyqqa qatysy bar 10-nan astam qylmys ashyldy. Krımınaldyq polıtsııa qyzmetkerleri mal urlyǵymen aınalysqan 4 qylmystyq topty joıdy. Máselen, shara barysynda Otyrar aýdanynda mal urlamaq bolǵan qylmystyq top músheleri ustalǵan. Olardyń úsheýi jergilikti turǵyn ekendigi anyqtalyp, bireýiniń buryn sottalǵany belgili boldy. Tergeý barysynda kúdiktilerdiń jalpy kólemi mıllıon teńgeden asatyn 3 mal urlyǵyna qatysy bar ekendigi anyqtalǵan.
Qazirgi ýaqytta topqa qatysty QR QK-niń 188-babymen sotqa deıingi tergeý amaldary júrgizilýde.