Túrkistan oblysynda qus tumaýy joq - Nurjan Úsenbaev
«Búginde Túrkistan oblysynda qus ólim-jitimi bolǵanymen qus tumaýy aýrýy tirkelgen joq. Iá, 273 qus ólimi oryn aldy. Biraq olardyń barlyǵy da jeke aýlalarda 5-6-dan ólgeni anyqtalyp otyr. Olardan synama alynyp, zerthanaǵa jiberdik. Osy ýaqytqa deıin veterınarlyq zerthanaǵa jiberilgen synamalar qus tumaýyna teris nátıje berýde. ıAǵnı, búgingi kúnge deıin Túrkistan oblysynyń aýmaǵynda eshqandaı qus tumaýy tirkelmedi», - dedi Nurjan Úsenbaev QazAqparat tilshisine telefon arqyly.
Sonymen qatar ol óńirde qus tumaýynyń aldyn alýǵa baǵyttalǵan veterınarlyq-sanıtarlyq jumystar júrgizilip jatqanyn basa aıtty.
Esterińizge sala ketsek, keshe QR Aýyl sharýashylyǵy mınıstrligi qus tumaýy tirkelgen oblystardyń sany jeteýge jetkenin, onyń ishinde Túrkistan oblysynyń da bar ekendigin habarlaǵan bolatyn.