Túrkistan oblysynda kópbalaly otbasylar AÁK qarjysyna kásip ashýda

TÚRKІSTAN. QazAqparat – Túrkistan oblysynda kópbalaly otbasylar ataýly áleýmettik kómektiń qarjysyn tıimdi paıdalanyp, kásibin keńeıtip keledi. Jetisaılyq turǵyn kıim tigetin shaǵyn tseh ashsa, saryaǵashtyq turǵyn sańyraýlyq ósirýdi qolǵa alǵan, dep habarlaıdy QazAqparat tilshisi.

Jetisaı aýdany, Q. Sátbaev eldi mekeniniń turǵyny Janar Machanova búginde úıiniń bir bólmesin shaǵyn tigin tsehyna aınaldyryp, ózinen bólek, qolynyń ebi bar taǵy bir aýyldasyn turaqty jumyspen qamtyp otyr. Osydan 10 jyl buryn tiginshilikti kásip etken kópbalaly ana ótken jyly 4 perzentine 460 myń teńge kóleminde áleýmettik járdemaqy alǵan. Osy qarjyǵa Shymkent qalasynan árqaısysy 185 myń teńge turatyn 2 tigin mashınasyn satyp ákelgen. Qazirgi tańda ol kıimderdi óńdep, qysqartyp qana qoımaı, tapsyrys boıynsha qazaqy kıimder men qyz jasaýlaryn da daıyndap beredi. Kún sanap tikken kıimderi kópshilikke tanyla bastaǵan kelinshek okrýgtegi tiginshilikke qyzyǵýshylyq tanytyp, úırenemin deýshilerge qosymsha oqý kýrstaryn da ótkizýde.

Al, saryaǵashtyq turǵyn Amangeldi Rahynbaev turǵyn úıiniń bir bólmesin arnaıy jasaqtap, sańyraýqulaq ósirýmen aınalysa bastaǵan. 36 jastaǵy otaǵasy ótken jyldyń qyrkúıek aıynan bastap 490 920 teńge kóleminde ataýly áleýmettik kómek alǵan. Tórt balanyń ákesi Amangeldi aldaǵy ýaqytta jeke kásibin odan ári damytyp, otbasynyń áleýmettik jaǵdaıyn jaqsartqysy keledi.