Túrkistan oblysynda kólik júrgizgen jasóspirim kámeletke tolmaǵan qyzdy qaǵyp, mert qyldy
17:02, 17 Qyrkúıek 2022
TÚRKІSTAN. QazAqparat – Túrkistan oblysynyń Qaınar aýylynda ákesiniń kóligin ruqsatsyz mingen jasóspirim adamdy qaǵyp, mert qyldy, dep habarlaıdy QazAqparat Rolisia.kz telegram kanalyna silteme jasap.
«16.09.2022 jyly saǵat 9:00 shamasynda Ordabasy APB-ǵa habarlama tústi. Polıtseıler «LADA 211440» markaly kólikti júrgizgen jasóspirim basqarý júıesin ıgere almaı, jaıaý júrginshiler jolyna shyǵyp ketip, qyz balany qaǵyp ketkenin anyqtady.
Kámelet jasyna tolmaǵan qyz jedel járdemmen ortalyq aýrýhanaǵa bara jatqan jolda qaıtys bolǵan. Al, jasóspirim kólik júrgizýshisi men jolaýshysy túrli dene jaraqatymen aýrýhanaǵa túsken. Belgili bolǵandaı, jasóspirim jigit ákesiniń úıde joqtyǵyn paıdalanyp, kóligin ruqsatsyz minip ketken», - delingen habarlamada.