Túrkistan oblysynda kólik órtenip, bir adam kóz jumdy

TÚRKІSTAN. QazAqparat - Túrkistan oblysynda jol apatyna ushyraǵan kólik órtenip ketti. Bul týraly QazAqparat polisia.kz saıtyna silteme jasap habarlaıdy.

Shymkent - Samara tas jolynda jol apaty boldy.

«Anyqtalǵandaı, Nissan Elgrand avtokóliginiń júrgizýshisi Túrkistan qalasyna qaraı kele jatyp, ózimen bir baǵytta qozǵalyp bara jatqan Mersedes Benz júk kóligine, odan soń jol ortasyndaǵy qorshaýǵa soqtyǵysqan. Kólik sol jerde órtengen. Saldarynan Nissan Elgrand kóliginiń júrgizýshisi oqıǵa ornynda kóz jumdy. Bir jolaýshy aýrýhanaǵa jatqyzyldy. Atalǵan jaıt QR QK-niń 345-baby (Kólik quraldaryn basqaratyn adamdardyń jol qozǵalysy nemese kólik quraldaryn paıdalaný qaǵıdalaryn buzýy) boıynsha tirkeldi. Saraptamalar taǵaıyndaldy. Eki avtokólik te aıypturaqqa qoıyldy», - dedi Túrkistan oblysy PD Ordabasy APB-niń ýchaskelik polıtsııa ınspektory Abzal Mombaev.

Foto: polisia.kz