Túrkistan oblysynda kókpar uıymdastyrylyp, oǵan 100-ge jýyq adam jınalǵan
Túrkistan oblysy bas sanıtar dárigeriniń qaýlysyna sáıkes oblys boıynsha karantın rejımin saqtaý, ıaǵnı betperde taǵyp júrý, araqashyqty saqtaý mindettelgen.
Búgingi tańda osy talaptardyń oryndalýy tıisti organdardyń qatań baqylaýynda. Onyń ishinde Túrkistan oblysy polıtsııa departamentiniń qyzmetkerleri arnaıy qurylǵan mobıldi toptarmen birge júıeli jumys júrgizýde.
Mysaly, Tólebı aýdanynyń polıtseıleri karantın rejımi men sanıtarlyq-epıdemıologııalyq normalardy buza otyryp, ótkizilip jatqan kókpardy anyqtady.
Tekserý kezinde jergilikti turǵynnyń Alataý aýyldyq okrýgi aýmaǵynda 100-ge jýyq adamnyń basyn qosyp, kókpar jasaǵany belgili boldy.
Mobıldi top birden shoǵyrlanǵan adamdar tobyn tarqatyp, olarǵa karantın talaptaryn buzbaý kerektigin túsindirdi.
Sondaı-aq kókpar uıymdastyrýshysyn jaýapqa tartty.
Oǵan qatysty QR ÁQBtK 425-baby boıynsha is-qujattary jınaqtalyp, SES-ke joldandy. Turǵynǵa 30 AEK kóleminde aıyppul salyndy.