Túrkistan oblysynda qoǵamdyq tamaqtaný oryndarynyń jumysy qaıta jandandy
Ústelder arasynda keminde 2 metr áleýmettik qashyqtyqty saqtap jáne bir ústelde 4-6 adamnan asyrmaı otyrǵyzylý qajet. Bul týraly oblystyq sanıtarııalyq-epıdemııalyq baqylaý departamentiniń basshysy Nurbek Nyshanov málimdedi.
Sonymen qatar, balalar oıyn-saýyq ortalyqtarynyń jumysyna, saýda úıleriniń, saýda jelileriniń qyzmetin 30%-dan aspaıtyn tolymdylyǵymen jumys jáne demalys kúnderi saǵat 09.00-den 21.00-ge deıin ruqsat berildi.
«Sporttyq sharalardy - áleýmettik qashyqtyqty, maskalyq tártipti, termometrııany, kórermenderdi shahmattyq tártipte otyrǵyzý, kúsheıtilgen sanıtarlyq-dezınfektsııalyq rejımdi saqtaı otyryp ótkizýge bolady. Eske alý sharasyn zaldy 30%-ǵa deıin toltyryp, 50 adamnan asyrmaı sanıtarlyq-dezınfektsııalyq rejımdi saqtaı otyryp ótkizýge ruqsat. Sondaı-aq, jyljymaly tsırkterdiń jumysy, 30%-ǵa deıin toltyrýmen, kórermenderdi qatardyń uzyndyǵy boıynsha ár 2 orynnan keıin otyrǵyzýmen qaıta jandanady. Bılıard klýbtarynyń jumysyna 30%-ǵa deıin toltyrýmen ruqsat berildi», - dedi Nurbek Sadyqbekuly.