Túrkistan oblysynda qoǵamdyq tamaqtaný oryndarynyń qyzmet kórsetý ýaqyty ózgerdi

TÚRKІSTAN. QazAqparat - Túrkistan oblysynda birqatar karantın talaptaryna ózgerister engizildi. Óńirdiń bas sanıtar - dárigeriniń qaýlysyna ózgerister engizilip, qoǵamdyq tamaqtaný oryndarynyń qyzmet kórsetý ýaqyty keshki saǵat 22:00-ge deıin uzartyldy, dep habarlaıdy QazAqparat tilshisi.

Jańa qaýlyǵa sáıkes, meıramhanalar men dámhanalarda kelýshilerge áleýmettik qashyqtyqty saqtaı otyryp qyzmet kórsetýge ruqsat berildi. Sondaı-aq, ashyq aýada jáne jabyq bólmede zalda kelýshileri 50-den aspaıtyn oryndarǵa (ujymdyq is-sharalarsyz) da ruqsat berildi. Al, Halyqqa qyzmet kórsetý ortalyqtarynyń (HQKO) jumysy (onyń ishinde arnaıy HQKO), jumys kúnderi saǵat 09:00-den 18:00-ge deıin, QR Eńbek zańnamasyna sáıkes demalys jáne mereke kúnderi jumystary toqtatylatyn boldy.

Saýda-oıyn-saýyq ortalyqtaryndaǵy (jeke bólmelerde) qoǵamdyq tamaqtaný nysandary jumys jáne demalys kúnderi saǵat 09.00-den 21.00-ge deıin qyzmet kórsetetin boldy. Barlyq synyptardyń oqýshylaryn aralas oqytýǵa (synypta 25 oqýshydan asyrmaı, personal maskalyq rejımde, termometrııa, kúsheıtilgen sanıtarlyq-dezınfektsııalyq rejım, is-sharalardy ótkizbeý, alyp kelýshiler men ata-analardyń bolýyna jol bermeý) kontıngenti 300-ge deıingi qalalyq jáne aýyldyq mektepterde synyptardaǵy balalar sanyn 25-ten asyrmaı, dástúrli formatta oqytýǵa ruqsat etildi. Bilim berý uıymynyń ákimshiliginiń sheshimi boıynsha, toptarda 15 adamnan asyrmaı sabaqtan tys mezgilde oqýshylardy jeke oqytýǵa ruqsat etildi.