Túrkistan oblysynda keı beketterde áli de benzın men dızel tapshylyǵy bar
Túrkistan oblystyq kásipkerlik jáne ónerkásip basqarmasy basshysynyń mindetin atqarýshy Nurgúl Ábdirazaqovanyń sózine súıensek, óńirdegi munaı saqtaý qoımalarynda AI-92 markaly benzıniniń 9 myń 752 tonnasy, dızeldiń 15 myń 723 tonnasy bar.
Munaı ónimderi talonsyz jáne shekteýsiz satylyp jatyr.
«Qazaqstan temir joly» AQ arqyly Túrkistan oblysyna bıylǵy sáýir aıynyń basynyn beri 328 tsısterna AI-92 markaly benzıni jáne 549 tsısterna dızel otyny kelgen.
Búgingi tańda oblys aýmaǵyndaǵy janar-jaǵarmaı quıý beketterinde AI-92 markaly benzıni men dızel otyny tapshylyǵy boıynsha az-kem derekter anyqtalǵan.
Ol olqylyqty joıý boıynsha jumys júrip jatyr.
Oblys ákimdiginde ótken jıynda óńirdegi janar-jaǵarmaı tapshylyǵynyń aldyn alý jáne áleýmettik mańyzy bar azyq-túlik taýarlarynyń baǵasyn turaqtandyrý jaıy kún tártibine qoıylyp, keń kólemde talqylandy.
Oblys ákimi Darhan Satybaldy quzyrly organ basshylary men jaýapty basqarmaǵa janar-jaǵarmaıdyń zańsyz tasymalyna qarsy kúresti kúsheıtýdi tapsyrdy.
«Jergilikti atqarýshy organdar munaı ónimderiniń bar-joǵy men baǵasyna kún saıyn monıtorıng júrgizýi qajet. Іshki naryqta janar-jaǵar maı men suıyltylǵan gaz tapshylyǵyn boldyrmaý úshin qajetti sharalar qabyldansyn. Memleket basshysy ınflıatsııany osy jyldyń qorytyndysymen 2 esege tómendetýdi tapsyrdy. Azyq-túlik baǵalaryn tómendetý, negizsiz ósýine jol bermeý jumystaryna turaqty túrde monıtorng júrgizý qajet» – dedi, Darhan Satybaldy.