Túrkistan oblysynda qaýipti indet juqtyrǵandar sany kúrt azaıdy

TÚRKІSTAN. QazAqparat - Túrkistan oblysynda qaýipti indet juqtyrǵan naýqastar sany kúrt azaıyp ketti. Halqy tyǵyz ornalasqan óńirde sońǵy táýlikte kovıdke shaldyqqan 2-aq adam tirkelgen, dep habarlaıdy QazAqparat tilshisi.

Oblystyq Qoǵamdyq densaýlyq basqarmasynyń málimetinshe, búginde koronavırýstyń táýliktik ósimi nebári 0,01 paıyzdy quraıdy. Al, ınfektsııalyq statsıonarlarda 71 naýqas em qabyldaýda.

Aıta keteıik, pandemııa bastalǵaly aımaqta indetti juqtyrýdyń 18 437 jaǵdaıy tirkeldi. Onyń 13953-de sımptom baıqalmaǵan. Oblys aýmaǵynda 150 ekpe qabyldaý beketi qyzmet kórsetip, birinshi komponentpen 1 046 174 adam vaktsına saldyrǵan. Ekinshi quramdy 1 045 940 adam qabyldaǵan. Revaktsınatsııany 331 198 adam alǵan.

Jalpy, Túrkistan oblysynda «Pfizer» vaktsınasynyń І komponentin – 180541 adam, II komponentin – 122714 adam qabyldaǵan. Oblystaǵy ınfektsııalyq statsıonarlarda 809 tósek oryn jasaqtalyp tur.