Túrkistan oblysynda qatty jel turǵyndardy ábigerge salyp jatyr
«Qazgıdromet» RMK málimetine súıensek, búgin Túrkistan qalasy men Báıdibek, Túlkibas aýdandarynda jeldiń kúshi sekýndyna 24 metrge deıin jetken. Al, Kentaý qalasynda 17, Sháýildirde 22 metr sekýnd bolyp tur. Sozaq aýdanynda da jel kúsheıe túsken. Mamandar óńirdegi daýyl erteń de jalǵasatynyn eskertip otyr. Tek, 3 sáýirden bastap jeldiń kúshi báseńdeı túspek.
Qatty jeldiń saldarynan Túrkistan qalasynda kóshege qoıylǵan sándik jazbalar men kórnekilikter ushyp ketken. Alleıalarǵa qoıylǵan oryndyqtar men kóshelerdegi jol belgilerine jáne jarnamalyq banerlerge zııan kelgen. Keı aýdandarda jaryq ta óship qalyp jatyr.
«Aýa raıynyń kúrt ózgerýinen jáne jeldiń kúsheıýinen oryn alǵan apattyq jaǵdaılardy qaıta qalpyna keltirýge «OńtústikJaryqTranzıt» JShS tarapynan 7 brıgada (25 qyzmetker men 10 tehnıka) jumyldyryldy. Qala aýmaǵynda tabıǵat qubylysy saldarynan anyqtalǵan aqaýlardyń der kezinde qalpyna keltirilýi qala ákiminiń baqylaýynda» - delingen Túrkistan qalasy ákiminiń baspasóz qyzmeti taratqan aqparatta.
Al, Tótenshe jaǵdaılar basqarmasynyń baspasóz qyzmeti ázirge qatty jelden zardap shekken azdamdar men zııan kelgen ǵımarattar týraly aqparat túspegenin aıtty.