Túrkistan oblysynda karantın kezinde toı jasaǵan 25 toıhana bir aıǵa jabyldy

TÚRKІSTAN. QazAqparat - Túrkistan oblysynda karantın rejımin buzǵan 25 toıhananyń jumysy sot sheshimimen 1 aıǵa toqtatyldy, dep habarlaıdy QazAqparat.

Aýdan-qalalardaǵy mobıldi toptar shekteý sharalaryna moıynsunbaǵan tulǵalarǵa 3 500-ge jýyq hattama toltyryp, 200 mln teńge kóleminde aıyppul saldy.

Bul týraly búgin óńirlik kommýnıkatsııalar qyzmetinde ótken brıfıngte oblystyq sanıtarııalyq-epıdemıologııalyq baqylaý departamenti basshysynyń orynbasary Baqtyoraz Elemesov málimdedi.

Onyń sózinshe, ótken táýlikte koronovırýs indetin juqtyrǵan 132 jaǵdaı tirkelip, aýrýdyń ósý deńgeıi 2,3 paıyzdy quraǵan.

«Sońǵy eki aptada aýrý kórsetkishi 2,5 esege artty. Jyl basynan beri óńirde 5 754 adam koronavırýs ınfektsııasyn juqtyryp, onyń 12-si qaıtys boldy. Іndetti juqtyrǵandardyń basym bóligi vaktsına almaǵandar ekeni belgili bolyp otyr. Sondyqtan barlyq azamattardy vaktsına alýǵa shaqyramyz», – dedi B.Elemesov.

Sondaı-aq, spıker úı karantınine jatqyzylǵan azamattardyń arasynda jaýapkershilikti sezinbeı qoǵamǵa qaýip tóndirip júrgenderiniń bar ekenin aıtty.

ıAǵnı, «Ashyq» qosymshasy arqyly koronavırýs indetin juqtyrǵan 29 naýqas belgili bolyp, olarǵa ákimshilik shara qoldanylǵan.