Túrkistan oblysynda karantın kezinde 6 myń volonter kómek kórsetýde
Óńirde jastardyń qolǵabys etýimen 92 myńnan astam turǵynǵa kómek kórsetilip, 4300 azyq-túlik sebeti men 73 myńnan astam medıtsınalyq betperde taratylǵan.
Tótenshe jaǵdaıdyń jarııalanýyna baılanysty Jastar resýrstyq ortalyǵy josparlanǵan túrli is-sharalardy keıinge shegerip, volonterlik negizdegi jumystardy júzege asyrýda. Barlyq aýdan-qalalarda medıtsınalyq betperdelerdi taratý jáne túsindirme jumystary júrgizilýde. «Biz birgemiz» aktsııasy aıasynda áleýmettik jaǵdaıy tómen, kópbalaly otbasylarǵa azyq-túlik sebetin taratý boıynsha oblystyq Jastar resýrstyq ortalyqtarynyń erikti jastardan quralǵan arnaıy volonterlar jasaǵy osy ýaqytqa deıin qarqyndy jumystar atqarýda. Kentaý men Arys qalalary, Tólebı, Saıram aýdany men Shymkent qalasynda ornalasqan otbasylyq úlgidegi balalar úıine, mektep-ınternattaryna 10 myńǵa jýyq medıtsınalyq zalalsyzdandyrý suıyqtyqtary men tazartqysh quraldary, sondaı-aq qorǵanys betperdeleri men qajetti zattar jetkizildi. Óńirdiń eriktileri kóp rettik qorǵanys betperdelerin tigý men dızenfektsııalaý jumystaryna, blokposttardaǵy qyzmetkerlerge as ázirleý men kómektesý jumystaryna da belsendi atsalysýda.