Túrkistan oblysynda qar qursaýynda qalǵan 26 jolaýshy qutqaryldy
Búgin túnde Sozaq aýdany, Alǵabas aýylynda aýa-raıynyń kúrt ózgerýiniń saldarynan oblystyq mańyzy bar KH-2 «Ulanbel-Sozaq-Ekpindi» tas joly jabylǵan bolatyn. Oqıǵa saldarynan 577 - 642 shaqyrymdaǵy qar qursaýynan 22 avtokólik shyǵaryldy. Onyń ishinde 13 júk jáne 9 jeńil kólik bar.
«Túrkistan oblysy TJD-niń 10 qyzmetkeri men 1 tehnıka, polıtsııa departamentiniń 8 qyzmetkeri kómekke baryp, 26 adamdy qutqardy. Onyń ishinde 1 bala bar. Oqıǵa saldarynan zardap shekkender men qaıtys bolǵandar joq. Evakýatsııalanǵan adamdar Sholaqqorǵan aýylyna jetkizildi. Turǵyndar medıtsınalyq kómekke muqtajdyq tanytpady», -deıdi Túrkistan oblysy TJD baspasóz qyzmeti Shyńǵys Súleımenov.
Sondaı-aq, TJD-niń mamandary azamattardy aýa-raıynyń ózgerýin nazarǵa alý kerektigin eskertedi.
«Daýyl týraly eskertý habarlamalaryn nazarǵa alyp, qajetti saqtyq sharalaryn ustanǵan jón. Qysqy kezeńde eldi mekender arasyndaǵy avtomobıl joldaryna shyǵýdy josparlamas buryn mindetti túrde aldaǵy qozǵalys baǵyty boıynsha aýa-raıy boljamymen tanysqan durys» - deıdi Shyńǵys Súleımenov.