Túrkistan oblysynda iri qara maldyń sany artty

TÚRKІSTAN. QazAqparat - Túrkistan oblysynda bıylǵy jyldyń 8 aıynda Aýyl sharýashylyǵynyń jalpy ónim kólemi 405,6 mlrd teńgeni qurady, dep habarlaıdy QazAqparat.

Onyń ishinde ósimdik sharýashylyǵy – 170,2 mlrd. teńgeni, mal sharýashylyǵy – 230,8 mlrd teńgeni qurady.

Oblystyń barlyq sharýashylyq sanattarynda 144,1 myń tonna – et (tirideı salmaqta), 556,5 myń tonna – sút, 158,3 mln dana – jumyrtqa óndirildi.

Oblystaǵy sharýashylyqtardyń barlyq sanattaryndaǵy iri qara mal sany 3,3% kóbeıip, 1,15 mln bas, qoı men eshki – 5,1 mln bas, jylqy – 385,2 myń bas, túıe – 37,9 myń bas nemese 110,2%.

Jyl asynan beri óńirde 407,7 mlrd. teńgege ónerkásip ónimi óndirildi.

2021 jyldyń qańtar-tamyz aıyndaǵy áleýmettik-ekonomıkalyq damýynyń negizgi kórsetkishteri kósh ilgeri.

Oblystaǵy óndirilgen ónerkásip ónim kóleminiń 44,2% úlesin quraıtyn taý-ken óndirý salasynda óndirilgen ónim kólemi 180 mlrd teńgeni qurady.

Óńdeý ónerkásibi (úlesi 46,0%) óniminiń naqty kólem ındeksi – 99,6%, nemese ónim kólemi 187,7 mlrd teńgeni qurady.

Elektrmen jabdyqtaý, gaz, bý berý jáne aýany baptaýda 34,9 mlrd teńgeni nemese naqty kólem ındeksi – 118,1% qurady.

«Sýmen jabdyqtaý, káriz júıesi, qaldyqtardyń jınalýyn jáne taratylýyn baqylaý» salasynda 5,1 mlrd teńgeniń ónimi óndirilip, 2020 jyldyń sáıkes kezeńine 110,3% qurady.

Asa mańyzdy ónimderdiń ishinde un – 9,8% (139,5 myń tonna), tósek jaımalar – 1,5 ese (11,5 myń dana), jylý qýaty – 29,8% (283,9 myń gkal) artty.