Túrkistan oblysynda ınternet sapasy boıynsha 109 call-ortalyǵy iske qosyldy
12:21, 14 Qazan 2020
TÚRKІSTAN. QazAqparat – Túrkistan oblysynyń aýyldyq óńirlerinde uıaly baılanys jáne ınternet máselesi boıynsha 109 call-ortalyǵy iske qosyldy, dep habarlaıdy QazAqparat tilshisi.
Ortalyq oblys turǵyndary men qonaqtary úshin ǵalamtordy barynsha qoljetimdi etý jáne tarıfterdi qosý boıynsha keńes beredi.
Sall-ortalyq sondaı-aq, bazalyq qondyrǵylardy ornatý boıynsha qońyraý qabyldamaq.
Aýyl turǵyndary ınternet tarıfin qosý men baılanys qyzmeti boıynsha osy jelige ótinishpen júgine alady.
Aıta keterligi, aldaǵy ýaqytta uıaly baılanys nashar aımaqta turatyn turǵyndardyń qashyqtan jumys isteý jáne onlaın oqytý múmkindigin arttyrý maqsatynda ol aımaqtar 3G jáne 4G ınternet jelisimen tolyq qamtamasyz etilmek.