Túrkistan oblysynda ınternet alaıaqtyq qylmystary ósken
Túrkistan oblysy polıtsııa departamentiniń qyzmetkerleri bank qyzmetkerlerimen birge ınternet alaıaqtyqtyń aldyn alý barysyn talqylady.
Arnaıy ótken dóńgelek ústelge prokýratýra mamandarymen birge ekinshi deńgeıdegi bankterdiń ókilderi, uıaly baılanys operatorlarynyń qyzmetkerleri jáne tergeýshiler men jedel ýákilder qatysty.
Jıynda mamandar ınternet alaıaqtyqtyń aldyn alý joldaryn jan jaqty talqylady.
«Internet alaıaqtyq qylmystary ekinshi deńgeıdegi banktermen tikeleı baılanysty. Statıstıkada kóz júgirsek atalǵan qylmys túrleriniń jyldan jylǵa ósip kele jatqanyn kóremiz. 2020 jyly – 225 qylmys tirkelse, 2021 jyly 474 qylmysqa artqan. ıAǵnı, 110,7 paıyzǵa ósip otyr», - dedi Túrkistan oblysy polıtsııa departamenti bastyǵynyń orynbasary Qurmanbek Sahov.
Sondaı-aq, polıtsııa podpolkovnıgi negizgi problemalardy atap ótip, halyqtyń saýattylyǵyn arttyrý qajettiligine toqtaldy.
Mobıldik qosymshalardyń basty betine 2 tilde saqtandyrý týraly jazý, bank bólimshelerine eskertý sharalary bar bannerler ilý, bank operatorlary arqyly tutynýshylarǵa eskertý, turǵyndar alaıaqtyń qurbany bolǵan jaǵdaıda bank arqyly jedel túrde alynǵan aqshanyń túbirin anyqtap, tez arada buǵattaý kerektigin eskertti.