Túrkistan oblysynda ǵasyrǵa jýyq jasaǵan soǵys ardagerine ota jasaldy
00:48, 10 Mamyr 2022
TÚRKІSTAN. QazAqparat- Túrkistan oblystyq klınıkalyq aýrýhanasynyń aq halatty abzal jandary 98 jastaǵy soǵys ardageri Qalmen Muratovqa ota jasady, dep habarlaıdy QazAqparat tilshisi.
Aqsaqaldyń ortan jiligine ota jasalǵan bolatyn. Jaýynger qart dárigerlerge batasyn berip, sátti ótken otaǵa rızashylyǵyn bildirdi.
«Naýqastyń jaǵdaıy birqalypty. Otadan keıin bir jarym aı kóleminde baldaqpen júredi degen senim bar. Odan keıin ózi tolyq júre alatyn bolady», -dedi oblystyq klınıkalyq aýrýhananyń ortopedııa bóliminiń meńgerýshisi Nurbol Sahov.
Aqsaqaldyń balalary aýyr jaǵdaıǵa qaramastan otany sátti ótkizgen aýrýhana qyzmetkerlerine alǵysyn jetkizdi.
Aıta keteıik, ǵasyrǵa jýyq jasaǵan abyz aqsaqal búginde 6 ul, 2 qyzdan 90-nan astam nemere men shóbere súıip otyr. Ondaǵan orden men medali bar.