Túrkistan oblysynda fermer júzimnen jylyna 150 mln teńge tabys tabady
Óńirlik kommýnıkatsııalar qyzmetinen málim etkendeı, Jylysý aýyldyq okrýginde ornalasqan «Er-Te Agro» JShS 33 gektar aýmaqqa júzimniń 9 sortyn ekken. Atap aıtqanda, Lıvııa, Arkadııa, Kodrıanka, Veles jáne Sáýleli kıshmısh, Anıýta, Baıqońyr, Jeneev, Preobrajenıe syndy túrleri bar.
Seriktestik ıesi Sultan Joldasbaevtyń aıtýynsha, bıyl júzimniń ár gektarynan 20 tonna ónim jınalǵan. Satylý baǵasy – 300-400 teńge aralyǵynda. Shyǵyndardy eseptegende seriktestik jylyna orta eseppen 150 mln teńge taza tabys taýyp otyr.
2012 jyly boı kótergen júzim baǵy 4 jylda óz shyǵynyn aqtaǵan. Maýsymdyq kezde 20 adam jumyspen qamtylady. Ónim negizinen Qazaqstan aýmaǵynda satylady.
Seriktestik ónimge suranys artqan jaǵdaıda júzim aýmaǵyn ulǵaıtýdy kózdep otyr.
Jalpy Jetisaı aýdany boıynsha 1183 gektar aýmaqqa jemis jıdek jáne júzim daqyldary egilgen. Onyń ishinde qarqyndy baý 255 gektardy quraıdy. Qarqyndy baýlarda júzim men almanyń ıtalııalyq, belarýsııalyq, ýkraınalyq sorttary egilgen.