Túrkistan oblysynda er adam ýaqytsha ustaý ızolıatorynan qashyp ketti

TÚRKІSTAN. QazAqparat – Túrkistan oblysynda urlyq úshin kúdikti retinde ustalǵan er adam ýaqytsha ustaý abaqtysynan qashyp ketti. Ony izdep-tabýǵa birneshe óńirdiń Polıtsııa departamentteri men vedomstvolary jumyldyryldy, dep habarlaıdy QazAqparat Rolisia.kz-ke silteme jasap.

«Qylmystyq kodekstiń 188-baby boıynsha urlyq jasady dep aıyptalǵan er adam 11 maýsym kúni Saryaǵash aýdandyq polıtsııa bóliminiń ýaqytsha ustaý ızolıatorynan qashyp ketti.

Oqıǵa ornyna tez arada jedel-tergeý toby shyqty. Qazir jan-jaqty jedel-izdestirý is-sharalary júrgizilip jatyr.

Іzdeýge Túrkistan oblysy Polıtsııa departamentiniń barlyq jeke quramy jumyldyrylǵan.

Búgingi tańda «Ustap alý» jospary iske asyrylýda. Saryaǵash qalasy men oblystyń kireberis jáne shyǵý joldaryn beketter qoıyldy», - delingen málimette.

Sondaı-aq ustaý sharasyna Túrkistan oblysymen kórshiles Shymkent qalasynyń, Jambyl, Almaty jáne Qyzylorda oblystarynyń Polıtsııa departamentteri, kóliktegi polıtsııanyń bólimderi men QR Ulttyq qaýipsizdik komıteti Shekara qyzmeti de tartylǵan.

«Polıtseıler er adamdy anyqtaý men ustaý maqsatyndaǵy jedel-izdestirý sharasyn jalǵastyryp jatyr», - dedi polıtsııadan.