Túrkistan oblysynda eki aýyldyń ataýy ózgeredi
02:30, 08 Tamyz 2023
ASTANA. QazAqparat – Túrkistan oblysynda Sirgeli jáne Ál-Farabı aýyldary paıda bolady, dep habarlaıdy QazAqparat tilshisi.
«Saryaǵash aýdany, Qablanbek aýyldyq okrýgindegi Chıcherıno aýyly Sirgeli aýyly; Maqtaaral aýdany, Maqtaaral aýyldyq okrýgindegi Qaz SSR-niń 40 jyldyǵy aýyly Ál-Farabı aýyly bolyp qaıta atalsyn», - delingen ashyq normatıvtik-quqyqtyq aktiler portalynda jarııalanǵan Túrkistan oblysy ákiminiń qýlysynda.
Atalǵan aýyldardyń ataýyn ózgertý jergilikti halyqtyń pikirin eskere otyryp qabyldanǵan.
Túrkistan oblysy ákimdiginiń qaýlysy men Túrkistan oblystyq máslıhatynyń sheshimi onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.