Túrkistan oblysynda dızel tapshylyǵy baıqaldy

TÚRKІSTAN. QazAqparat – Óńirdegi keıbir janar-jaǵar maı quıý beketterinde dızel otyny belgili bir shekteýlermen satylyp jatyr, dep habarlaıdy QazAqparat tilshisi.

Dızel otynyna kezek «Batys Eýropa - Batys Qytaı» avtomagıstraliniń boıyndaǵy avtojanarmaı quıý stantsııalarynda jáne Ózbekstan Respýblıkasymen shektesetin Ońtústik aýdandarda baıqaldy. Bul jaǵdaıǵa dızeldik otynǵa suranystyń maýsymdyq ulǵaıýy men kórshiles elderge tranzıttik júk tasymalyna suranystyń artýy sebep bolǵan.

«Bul másele qyrkúıek aıynyń ortasynda sheshiledi dep kútiledi. Іri janar maı quıý beketterinde jaǵdaı turaqty. «Gelıos», «Gazpromneft», «QazMunaıGaz» janar maı quıý beketterinde dızel otyny Qazaqstan Respýblıkasy Energetıka mınıstrliginiń buıryǵyna sáıkes shekteýsiz satylymda. Al, keıbir janar maı quıý beketterinde shekteýler bar. Máselen, «Sinooil», «TS OńtústikMunaıSaýda», «Mýnaı Invest Grýpp» beketteriniń keıbir bólimshelerinde talonmen berilip jatyr», - dedi Túrkistan oblysy Investıtsııa jáne eksport basqarmasy basshysynyń orynbasary Nurgúl Abdrazaqova.

Aıta keteıik, Túrkistan oblysynyń aýmaǵynda AI-92 markaly benzın esh kedergisiz satylyp jatyr.