Túrkistan oblysynda Dinmuhammed Qonaevqa eskertkish ornatyldy

TÚRKІSTAN. QazAqparat - Túrkistan oblysy, Tólebı aýdanynyń Sarqyrama eldi mekeninde ǵulama ǵalym, akademık Dinmuhammed Qonaevqa eskertkish ornatyldy, dep habarlaıdy QazAqparat tilshisi.

Sondaı-aq músin ornatylǵan kóshege zańǵar tulǵanyń esimi berildi.

Alqaly jıynǵa QR Parlamenti Májilisiniń depýtaty Darhan Myńbaı, Túrkistan oblysynyń qurmetti azamattary Ábdijappar Ońalbaev, Ismat Tursynqulov, Sháripbek Jamalbek qatysyp, kemeńger tulǵanyń ómir joly jaıynda baıandady.

Túrkistan oblysy Qoǵamdyq keńesiniń tóraǵasy Baıdildá Jylqyshıev, memleket qaıratkeri Asqar Myrzahmetov, Ońtústik Qazaqstan oblysynyń qurmetti azamaty Ábilqasym Dosbolov, aýdan ákimi Tólegen Telǵaraev eskertkishke gúl shoqtaryn qoıyp, taǵzym etti.

Aıta keteıik, D.Qonaevtyń 110 jyldyǵyna arnalǵan eskertkish el azamattarynyń uıytqy bolýymen demeýshilik qarjyǵa jasaldy. Qoladan quıylǵan, jalpy bıiktigi 5 metrdi quraıdy.