Túrkistan oblysynda dıqandar qaýyndaryn sata almaı, malǵa berýge májbúr
Áleýmettik jelide sharýalardyń janaıqaıy tarady. Onda qaýyn ekken dıqandar jaz boıǵy eńbeginiń dalaǵa ketip jatqanyn aıtady. Sondaı-aq, qaýyndaryn sata almaı, malǵa berýge májbúr bolyp otyrǵandyǵyn jetkizgen.
Jelidegi jazba avtory Nurken Musaevtyń sózine súıensek Jetisaı aýdanynda qaýyn ekken sharýalar shyǵynǵa batyp jatyr. Sondyqtan kópshiligi qaýyndardy arzan baǵamen satylymǵa qoıǵan. Al, ótpegenin malǵa berýde.
«Tańerteń satylymǵa alyp shyqqan qaýyn eki jarym saǵattyń ishinde byljyrap, ishi aǵyp ketedi. Syrtyn bútin bolǵanmen ishi sý bolady. Ony malda jemeıdi. Qazirgi kezde maly bar úılerge berip jatyr. Jaqyn kúnderi olarda almaıdy. Sol kezde amal joq qoqysqa tastaıtyn bolady» - deıdi Nurken Musaev
Jalpy Jetisaı aýdanynyń ákimdigi taratqan aqparatqa súıensek, bıylǵy jyly qaýyn daqyly ótken jylmen salystyrǵanda 5 myń gektarǵa jýyq artyq egilgen. Búgingi kúnge alynǵan ónimderdiń kópshiligi Reseı men Belorýssııa memleketine jáne Almaty, Astana, Shymkent qalalary men elimizdiń basqa da oblystaryna satylymǵa jiberilgen.
«Búginde aýdan ákimdigi tarapynan baqsha daqyldaryn satý boıynsha basqa da oblystardaǵy áleýmettik kásipkerlik korporatsııalarǵa hat jiberilgen. Suranys bolǵan jaǵdaıda qajetti kólemdegi baqsha daqyldary sharýalardyń tikeleı ózderi arqyly satylymǵa jiberiletin bolady» - delingen aýdan ákimdiigi tarapynan taratylǵan aqparatta.
Sondaı-aq, ákimdik qaýyndy egistik alqapqa tastap jatqan vıdeonyń Jetisaı aýdanynyń sharýalaryna qatysy joq ekendigin málimdedi.