Túrkistan oblysynda dárethanalary syrtta ornalasqan 23 mektepke aıyppul salyndy
Ótken jyly sanıtarııalyq-epıdemıologııalyq baqylaý basqarmalary tarapynan júrgizilgen tekserýler barysynda Túrkistan oblysyndaǵy 23 mekteptiń ǵımaraty ishinde dárethanalardyń joqtyǵy anyqtalǵan. ıAǵnı, Saryaǵashta - 13, Maqtaaralda - 4, Otyrarda - 2 jáne Túrkistan qalasy, Tólebı, Báıdibek, Jetisaı aýdandaryndaǵy mektepterde ishki dárethanalar máselesi sheshilmegen. Sondyqtyn, kemshilikke jol bergen 29 laýazymdy tulǵaǵa 230 AEK kóleminde aıyppul salyndy.
«Júrgizilgen tekserýler kezinde mektepterde syrtqy dárethanalardyń qoldanylýymen qatar ishki sanıtarııalyq toraptardyń sanıtarııalyq talaptarǵa sáıkestigine jáne ýaqytyly tazalanyp, dezınfektsııalanýyna nazar aýdarylady»,- deıdi Túrkistan oblysynyń sanıtarııalyq-epıdemıologııalyq baqylaý departamentiniń baspasóz hatshysy Ardaq Berden.
Oblysta jyl saıyn paıdalanýǵa beriletin mektepter sany da artyp keledi. Jańadan ashylyp jatqan jekemenshik jáne memlekettik bilim berý nysandardyń ishki dárethanalarmen qamtamasyz etilýin sanıtarııalyq-epıdemıologııalyq baqylaý departamenti jiti qadaǵalaýǵa alyp otyr.