Túrkistan oblysynda COVID-19 juqtyrǵandardyń 94 paıyzy vaktsına almaǵan
«Bizde vaktsına pasportyn satýdyń bir jaǵdaıy Kentaý qalalyq emhanasynda tirkeldi. Medbıke vaktsına pasportyn qoldan jasaǵan. Qazir qylmystyq is qozǵalǵandyqtan, tergeý aaıasynda egjeı-tegjeıli aqparat bere almaımyz. Túrkistan oblysynda vaktsına pasportyn satyp jatqany týraly basqa resmı derek joq. Jalǵyz jaǵdaı sol Kentaýda tirkeldi. Biz muny moıyndaımyz», - degen basqarma basshysy jeke ózine ondaı ótinishpen shyqqandar bolsa, qandaı jaýap bolatynyn aıtty.
«Oblystyń bas dárigeri retinde júrgen jerimde vaktsınanyń qajettigi týraly, ony qoldan jasatýdyń paıdasynan zııany kóp ekenin aıtyp júremin. Vaktsınany bárimiz zańdy túrde alýymyz kerek. Qoldan pasport jasatqannan eshkimge paıda bolmaıdy. Taǵy da aıtamyn, statsıonarda jatqan naýqastardyń 94 paıyzy vaktsına almaǵan. Meniń ózime vaktsına pasportyn nemese anyqtama jasaý týraly ótinishpen eshkim júgingen joq. Ondaı ótinishpen shyqsa, quqyq qorǵaý organdaryna málimdeıtin edim», - dedi Marat Pashımov.