Túrkistan oblysynda búgin eki birdeı keıýana 100 jasqa toldy

TÚRKІSTAN. QazAqparat- Túrkistan oblysynyń qos turǵyny búgin 100 jasqa toldy, dep habarlaıdy QazAqparat tilshisi.

Búgin Saıram aýdanynyń turǵyny Baltajan Rahmanqulova 100 jasqa toldy.

Keıýana soǵys jyldarynda egis alqaptarynda traktorıs bolyp eńbek etken. Otanasy mindetin qosa atqaryp, 7 baladan 80 nemere men 4 shópshek súıip otyr.

Aq jaýlyqty anany arnaıy quttyqtaǵan «Amanat» partııasynyń Túrkistan oblystyq fılıaly tóraǵasynyń birinshi orynbasary Beısenbaı Tájibaev ǵasyr kýágeriniń ıyǵyna oramal jaýyp, qushaǵyn gúlge toltyrdy.

«Jalpy kópbalaly analarǵa degen qurmet bólek. Ár balanyń boı túzep, adam bop qalyptasýynda ananyń beıneti men zeıneti jatyr. Egde tartqan shaǵynda úlken qurmetti qajet etpeıdi. Jyly sózdiń ózine jandary jadyraıdy. Ol kózderindegi qýanyshtan anyq ańǵarylyp tur. Analarymyz árdaıym kúlip júrsin»,-dedi ol.

Keles aýdanynyń turǵyny Qatıra Nanabekova da búgin kúni 100 jasqa tolǵan mereıtoıyn ul-qyzdarymen birge atap ótti.

Búginde ónegeli áýlettiń shamshyraǵy bolǵan aq jaýlyqty ana beınetpen ótken ǵumyrynyń zeınetine bólenip, urpaqtarynyń aldynda baqytty ómir keship keledi.

Tylda ter tógip, eńbek etken ol ómirge ákelgen 4 perzentinen 15 nemere 52 shóbere súıip otyr.

Sondaı-aq, saryaǵashtyq Jadyra Keskenbaeva 10 naýryzda 102 jasqa tolǵan týǵan kúnin toılaıdy.

Qart ana 7 ul-qyzdy dúnıege ákelgen. Qazirgi tańda 35 nemere men 82 shóberesi, 4 shópshegi bar.